Augòngen de vraischòft “Artikl 6”, de vraischòft [...]
Augatu' der bando va “Drai konkursn ver a sproch”
“De bèlt um ins”: abia as ist gòngen der convegno
Esam va bersntolerisch: augatu' de zaitn ver za schraim [...]
Trèffen “Autorn kan Filzerhof”
Bersntoler Kulturinstitut: de Provinzaljunta hòt [...]
Projekt BKI “Kenn van taitsch”
Europeische To van sprochen
S ist kemmen pfaiert der Europeische To van sprochen, a fest as bill stitzn s kenn van naia sprochen ont verpessern s zòmmlem zbischn kulturn. Der ist augòngen en jor 2001, ont kimmp gamòcht a vòrt as jor, òlbe as de 26 van leistagest. De sai' vil de trèffen organisiart en de gònze Europa, abia bèrkn ver kinder ont konferenzn.
PALÙ DEL FERSINA. Gester 26 van leistagest ist kemmen pfaiert der Europeische To van sprochen, a fest as kimmp gamòcht òll jor en de gònze Europa. Vil de naiòrbetn vourtsbunnen: en mitta as de 25 de Europeische Kommission hòt organisiart der trèff: “De sprochen: ka schual ont en Europa”, an webinar ver learer van zboateschualn as nemmen toal en konkurs Juvenes Translatores 2023. En doi trèff sai' kemmen vourstellt de mogleketn ver junga ver za learnen naia sprochen derbail en de schualjarder.
Zbischn de òndern naiòrbetn, gester, va mitto finz um oa's, de Kommission hòt organisiart an trèff online van titl “De Europeische lait ont de sai'na sprochen”; derbail en trèff sai' kemmen vourstellt de datn va de schatz “Eurobarometro”, asn tema van sprochen en Europa. De doi vourstell hòt de untertiteler as balsch. Va de 17 van leistagest finz as de 8 van schanmikeal barn kemmen austellt, en plòtz Venezia ka Roma, zeichena plakatn gamòcht va de General Viar Ibersetz va de Europeische Kommission, ver za vaiern der Europeische To van sprochen. En eirta as de 1 van schanmikeal, an ettlena studentn barn toalnemmen en a bèrk va ibersetz organisiart pet de zòmmòrbet van Haus van Ibersetzn va Roma.
As de internetsaitn de enteressiartn meing vinnen informazionen as òlla de trèffen organisiart en de gònze Europa vern doi bichte to va fest. Der Europeische To van sprochen ist kemmen pfaiert de earste vòrt en jor 2001. Dòra, s ist kemmen ausgamòcht za trong en envire ont de fest kimmp organisiart òll jor, òlbe as de 26 van leistagest. Der zil van doi To ist za gem òcht en de vil sprochen ont kulturn va de Europa: de sai' gor mear as 225 de sprochen klòfft en Europa.
An òndern zil van doi To ist za gem bèrt en de mearsprocheket: der Europeische Rot stitzt s kenn van naia sprochen, ver za glaimern de kulturn ont verpessern s zòmmlem zbisch gruppn ont identitetn. Asn tema va mearsprocheket, no en de schatz “De europeische lait ont de sai'na sprochen” - Eurobarometro hourneng 2006, s 56 prozent van europeische lait klòfft a sproch as ist nèt de sai' muatersproch; s 28 prozent klòfft guat zboa sprochen as sai' nèt de sai' muatersproch; s 38 prozent ist guat za klòffen as englisch.
Riassunto dell'articolo in lingua italiana:
Ieri 26 settembre si è festeggiata la Giornata Europea delle lingue, un appuntamento a cadenza annuale che ha lo scopo di promuovere l'apprendimento delle lingue e la comprensione interculturale. Celebrata per la prima volta nel 2001, si tratta di un'occasione per sensibilizzare i cittadini all'apertura e al rispetto per le differenti culture. Sono innumerevoli le persone coinvolte e gli eventi organizzati in tutti gli Stati membri del Consiglio d'Europa, come laboratori per bambini, programmi televisivi, conferenze.
