Augòngen de vraischòft “Artikl 6”, de vraischòft stitzt de zòmmòrbet zbischn sprochminderhaitn

ROMA. Ka Roma ist kemmen pfaiert der vinfontzboa'skte jor van gasetz 482/99, en pfinsta as de 12 van schantònderer, petn convegno “S Balschlònt van sprochminderhaitn: ideen ont projektn ver de zukunft”. Der trèff ist kemmen stitzt va de senatrice Elena Testor, ont hòt gem òcht en de noat za giltn de sprochpahalter van Balschlònt. S gasetz 482/99 ist runt bichte vern vernem van sprochen minder kennt. S gasetz hòt derkennt ont stitzt de historischn sprochminderhaitn van Balschlònt. No en doi gasetz sai' augòngen vil kultural ont auziglprojektn vern vernem van gamoa'schòftn va minderhait.

Derbail en trèff, ist kemmen aus va vil relatorn de noat za versterchern de unterstitz ver projektn as giltn de sprochen minder kennt. Der regionalasesor Luca Guglielmi hòt kein as de inger region ist an modell vern vernem van sprochminderhaitn; de inger region òrbetet nèt lai ver za hòltn lebet de doin gamoa'schòftn, ober ver za versterchern ont giltn sa. De viareren van Kultural Institut Ladin Sabrina Rasom hòt kein as s ist bichte za stitzn naia tecknologisch ont digital strumentn ver za versterchern s envire gea' van gamoa'schòftn va minderhait.

An bichtegen moment va de konferenz ist gaben de vourstell va de vraischòft “Artikl 6”, as stitzt zommòrbetn ont projektn ver de sprochen minder kennt. Der nu'm va de vraischòft kimmp van seckste artikl va de inger kostituzion, as giltet prope de sprochminderhaitn. De vraischòft hòt der zil za mòchen a stòttnètz ver za stitzn de vil vraischòftn za òrbetn zòmm. De gip de sai' hilf iberhaup en de vraischòftn: de glaimert sa oa'na pet de òndera, asou kimmp laichter za trong envire projektn vern verpesser van sprochminderhaitn. Pet de òrbet va “Artikl 6”, de vraischòftn meing stitzn naiòrbetn zòmm, no a regiar as mòcht a stòttnètz ont pintet zòmm de vil vraischòftn.

Riassunto dell'articolo in lingua italiana:

Si è tenuto a Roma, giovedì 12 dicembre, il convegno “L'Italia delle Minoranze linguistiche: idee e strategie per il futuro”. L'evento ha visto la partecipazione di vari esponenti delle associazioni impegnate nella valorizzazione delle minoranze linguistiche, oltre che di rappresentanti istituzionali ed esperti che a vario titolo operano per la promozione delle comunità di minoranza in Italia.

Il convegno si è tenuto in occasione del venticinquesimo anniversario della legge 482/99, che ha rappresentato un passaggio decisivo per il riconoscimento e la salvaguardia delle minoranze linguistiche storiche del nostro Paese.

Nel corso dell'evento è stata ufficialmente presentata l'associazione “Articolo 6”, nata per promuovere iniziative per la valorizzazione di queste comunità. Ispirata all'articolo 6 della Costituzione, che tutela le minoranze linguistiche, l'associazione mira a creare una rete a livello nazionale per favorire la collaborazione tra le varie realtà associative che compongono il mondo delle comunità di minoranza, e per rendere più efficace la presentazione di progetti comuni.