Augòngen de vraischòft “Artikl 6”, de vraischòft [...]
Augatu' der bando va “Drai konkursn ver a sproch”
“De bèlt um ins”: abia as ist gòngen der convegno
Europeische To van sprochen
Esam va bersntolerisch: augatu' de zaitn ver za schraim [...]
Trèffen “Autorn kan Filzerhof”
Projekt BKI “Kenn van taitsch”
Bersntoler Kulturinstitut: de Provinzaljunta hòt u’tsòk de derstell van Amministrazionrot ont van Zeiler
De Provinzaljunta pet a sai’nega mosnemm ont no en vourtschbinnen van president Maurizio Fugatti, hòt u’tsòck de mittoaln van Amministrazionrot ont van Zeiler van drai Kulturinstitutn va de inser provinz as sai’: s Kulturinstitut “Majon di Fascegn”, s Kulturinstitut Lusérn ont s Bersntoler Kulturinstitut
PALÙ DEL FERSINA. De Provinzaljunta hòt tsòck de derstelln van Kulturinstitutn, as sai‘ de mittoal van Amministrazionrot ont de Zeiler, pet an ettlena mosnemmen vourtsechen van provinzalgasetzn ont van statutn van institutn.
De Kulturinstitutn va de inser Provinz sai‘ der Kulturinstiut “Majon di Fascegn”, s Kulturinstitut Lusérn ont s Bersntoler Kulturinstitut. Abia as ist tschrim en Statur, s Bersntoler kulturinstitut hòt ver rif za verhiatn ont za derretn, za ibertrong ont za giltn de praich ont de kultur va de taitsch minderhait van gamoa’n va Palai en Bersntol, Vlarotz ont Garait, pet an bichtegen voursicht en de sproch, en de gschicht, en de umvèltverhiatn ont en verpessern va de birtschòft ont va de kultur van lont va de minderhait. De orgln van Institut sai‘ der Amministrazionrot, der President, der Bisschòftkomitat ont der Zeilerlaipschòft.
Der Amministrazionrot ist gamòcht van an derstell ver an iata Gamoa‘, an derstell va de Provinzaljunta, an derstell va de Junta van Tolgamoa’schòft Hoa Valzegu‘ ont Bersntol, an derstell va de Regionaljunta ont der President van Bisschòftkomitat.
De mittoaln van Amministrazionrot sai’ gabellt va de Provinzaljunta ont de stea’ anau finz as tauert de sèll gasetzzait, bou as de sai’ kemmen gabellt. Iaz, abia tsòck, de Provinzaljunta, no en vourtschbinnen van president Maurizio Fugatti, hòt garift s prozess za song u’ de toalnemmer van Amministrazionrot ont van Zeiler van drai Kulturinstitutn.
Ver en Bersntoler Kulturinstitut sai‘ kemmen u’tsòck: Patrizia Bocher abia derstell va de gamoa’ va Palai as bart sai’ President van Amministrazionrot, Stefano Boller abia derstell va de gamoa’ va Vlarotz, Luca Puecher abia derstell va de gamoa’ va Garait, Lorenzo Moltrer abia derstell va de Provinzaljunta, Serena Puecher abia derstell va de Tolgamoa’schòft Hoa Valzegu’ ont Bersntol ont Diego Moar abia derstell va de Region Trentin-Sudtirol. Abia Zeiler ist kemmen u’tsòck Mirella Spagnolli.
Riassunto dell'articolo in lingua italiana:
La Giunta provinciale su proposta del presidente Maurizio Fugatti ha concluso la procedura di nomina, per la presente legislatura, dei componenti del Consiglio di amministrazione e dei Revisori dei conti dei tre Istituti culturali che tutelano e valorizzano il patrimonio etnografico e culturale delle popolazioni di minoranza linguistica storica: l'Istituto Culturale Ladino “Majon di Fascegn”, l'Istituto culturale Mòcheno /Bersntoler Kulturinstitut e l'Istituto Cimbro/Kulturinstitut Lusérn.
Per il Bersntoler Kulturinstitut sono stati nominati Patrizia Bocher, in rappresentanza del comune di Palai en Bersntol/Palù del Fèrsina, che sarà Presidente del Cda, Stefano Boller in rappresentanza del comune di Fierozzo/Vlarotz, Luca Puecher in rappresentanza del comune di Frassilongo/Garait, Lorenzo Moltrer in rappresentanza della Giunta della Provincia autonoma di Trento, Serena Puecher in rappresentanza della Comunità Alta Valsugana e Bersntol e Diego Moar in rappresentanza della Regione autonoma Trentino-Alto Adige/Südtirol. Nel ruolo di Revisore dei conti è stata nominata Mirella Spagnolli.
